11.06.2025

У Глыбокім прайшла калегія Міністэрства сельскай гаспадаркі і харчавання Рэспублікі Беларусь пад кіраўніцтвам міністра Юрыя Горлава

У цэнтры ўвагі – пытанні ўтрымання і кармлення маладняку, нарыхтоўка кармоў, умовы працы работнікаў сферы жывёлагадоўлі.

Удзельнікі калегіі – міністр сельскай гаспадаркі і харчавання Рэспублікі Беларусь Юрый Горлаў, першы намеснік старшыні Віцебскага абласнога выканаўчага камітэта Сяргей Ляўковіч, старшыні райвыканкамаў Віцебскай вобласці, спецыялісты райсельгасхарчаў – наведалі сельгаспрадпрыемствы "За Радзіму" і "Мярэцкія", дзе азнаёміліся з умовамі працы і вытворчымі працэсамі.

На пашыраным пасяджэнні калегіі з удзелам старшыні Віцебскага аблвыканкама Аляксандра Субоціна, памочніка Прэзідэнта – інспектара па Віцебскай вобласці Уладзіміра Юргевіча абмяркоўваліся актуальныя пытанні развіцця сельскай гаспадаркі рэгіёна і перспектывы далейшага росту.

Была падкрэслена важнасць укаранення перадавых метадаў работы і павышэння эфектыўнасці сельскагаспадарчай вытворчасці.