12.05.2023

Запрашаем жыхароў Глыбоччыны і гасцей райцэнтра прыняць удзел у патрыятычным Велапарадзе «Сімвалы маёй краіны»!

Штогод кожную другую нядзелю мая ў Беларусі адзначаецца Дзень Дзяржаўнага герба і Дзяржаўнага флага.

Штогод кожную другую нядзелю мая ў Беларусі адзначаецца Дзень Дзяржаўнага герба і Дзяржаўнага флага.

У гэтым годзе 14 мая гэта свята ўпершыню праходзіць у «трыадзіным» фармаце: Дзень Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь. Адпаведны ўказ Прэзідэнта быў падпісаны 12 красавіка. Гэты дакумент зацвердзіў новую назву свята, якая дазваляе аддаць даніну павагі ўсім тром дзяржаўным сімвалам краіны.

У гонар Дня Дзяржаўнага флага, Дзяржаўнага герба і Дзяржаўнага гімна Рэспублікі Беларусь у нашым раёне пройдзе патрыятычны Велапарад «Сімвалы маёй краіны». Дзякуючы ўдзелу кожнага з вас, свята атрымаецца запамінальным і яркім!

Запрашаем жыхароў Глыбоччыны і гасцей райцэнтра прыняць удзел у патрыятычным Велапарадзе «Сімвалы маёй краіны»!

Удзельнікі Велапарада праедуць па вуліцах горада 14 мая ў Дзень Дзяржаўнага флага, Дзяржаўнага герба і Дзяржаўнага гімна Рэспублікі Беларусь.

Збор і рэгістрацыя ўдзельнікаў у 13.00 на стадыёне Глыбоцкай раённай дзіцяча-юнацкай спартыўнай школы (вул. М.Горкага, 14А).