Сістэма вымярэння тэлеаўдыторыі пачне працаваць у Беларусі да канца года. Аб гэтым сёння паведаміў журналістам міністр інфармацыі Аляксандр Карлюкевіч пасля нарады кіраўніка дзяржавы з кіраўнікамі вядучых дзяржаўных сродкаў масавай інфармацыі, перадае карэспандэнт БЕЛТА.

Паводле слоў міністра, на нарадзе Прэзідэнт Беларусі даручыў стварыць у краіне сістэму вымярэння тэлевізійнай аўдыторыі. Айчынны медыявымяральнік пачне працаваць да канца 2020 года, ён будзе вырашаць задачы для ўсяго рынку тэлевізійнай рэкламы і для ўсіх тэлевізійных прадуктаў", - расказаў Аляксандр Карлюкевіч.

Якая кампанія зоймецца стварэннем сістэмы медыявымярэнняў, на нарадзе не абмяркоўвалася. "Прэзідэнт паставіў пытанне такім чынам, што тэлевізійныя каналы павінны самі прыняць рашэнне", - растлумачыў міністр.