04.04.2025

Кіруючы актыў Глыбоччыны падтрымаў добраахвотную рэспубліканскую грамадскую акцыю "Дай лесу новае жыццё!"

Каманда кіраўнікоў арганізацый і ўстаноў Глыбоцкага раёна на чале са старшынёй Глыбоцкага райвыканкама Аляксандрам Шубскім і старшынёй Глыбоцкага раённага Савета дэпутатаў Верай Цяліцай прынялі ўдзел у акцыі "Дай лесу новае жыццё!".

У гэты дзень удзельнікі акцыі пасадзілі вялікую колькасць саджанцаў елак, соснаў і бяроз.

- Гэта не проста праца дзеля працы. Мы закладваем аснову для будучыні нашага краю, клапоцімся аб прыродзе, якую потым перададзім нашым дзецям і ўнукам. Гэта адказнасць кожнага з нас, - адзначыў важнасць удзелу ў экалагічнай акцыі Аляксандр Шубскі.