10.04.2026

У Глыбоцкім раёне новы старшыня райвыканкама – Максім Бакураў.

У Глыбокім адбылася 28-я пазачарговая сесія Глыбоцкага раённага Савета дэпутатаў, падчас якой Максім Бакураў быў зацверджаны на пасадзе старшыні Глыбоцкага раённага выканаўчага камітэта.

У рабоце сесіі прынялі ўдзел: старшыня Віцебскага абласнога выканаўчага камітэта Аляксандр Рагожнік і памочнік Прэзідэнта Рэспублікі Беларусь - інспектар па Віцебскай вобласці Уладзімір Юргевіч.

Старшыня Віцебскага аблвыканкама Аляксандр Рагожнік павіншаваў Максіма Бакурава, пажадаў поспехаў у працы і выказаў упэўненасць, што Глыбоцкі раён будзе і надалей паспяхова развівацца.

Максіма Сяргеевіча ад імя дэпутацкага корпуса раёна і кіруючага актыва павіншавала Вера Цяліца, старшыня раённага Савета дэпутатаў.