Кіраўніцтва раёна павіншавала юрыстаў, работнікаў і ветэранаў юрыдычнай сферы дзейнасці з прафесійным святам

Паважаныя юрысты, работнікі і ветэраны юрыдычнай сферы дзейнасці!

Ад імя Глыбоцкага раённага выканаўчага камітэта, раённага Савета дэпутатаў прыміце шчырыя віншаванні з прафесійным святам – Днём юрыста!

Быць юрыстам – вялікі гонар і вялікая адказнасць, бо прафесія патрабуе ад вас аб’ектыўнасці, вытрымкі, справядлівасці і асабістай бездакорнасці.

На сучасным этапе развіцця чалавецтва ні адна сфера жыццядзейнасці не можа абысціся без прававой падтрымкі. Сёння юрыдычная супольнасць, у склад якой уваходзяць пракуроры, суддзі, адвакаты, натарыусы, супрацоўнікі праваахоўных органаў, а таксама ўсе, для каго юрыспрудэнцыя стала прафесійнай дзейнасцю, аб’ядноўвае прызнаных майстроў сваёй справы, граматных і прынцыповых спецыялістаў. Ад іх работы залежаць лёсы людзей, рост прававой культуры грамадства і рэалізацыя заканадаўчых норм дзяржавы.

Упэўнены, што ваш высокі прафесіяналізм, прынцыповая грамадзянская пазіцыя, беззаганная рэпутацыя і надалей будуць з’яўляцца залогам умацавання законнасці і правапарадку, забеспячэння вяршэнства права.

Сардэчна жадаем усім юрыстам раёна шчасця, здароўя, плённай працы, поспехаў у высакароднай справе вяршэнства права, гуманізму і дабра!

З павагай,

Глыбоцкі раённы выканаўчы камітэт.

Глыбоцкі раённы Савет дэпутатаў.