Кіраўніцтва раёна павіншавала супрацоўнікаў і ветэранаў Глыбоцкага раённага аддзела Следчага камітэта Рэспублікі Беларусь са святам

Паважаныя супрацоўнікі і ветэраны Глыбоцкага раённага аддзела Следчага камітэта Рэспублікі Беларусь!

Ад імя Глыбоцкага раённага выканаўчага камітэта, раённага Савета дэпутатаў прыміце шчырыя віншаванні з прафесійным святам!

Органы папярэдняга следства – важнейшы інстытут нацыянальнай праваахоўнай сістэмы, які ў значнай ступені ўплывае на ўмацаванне правапарадку ў раёне і краіне, абарону законных правоў грамадзян, грамадскіх і дзяржаўных інтарэсаў.

Дзякуючы штодзённай карпатлівай рабоце зладжанага высокапрафесійнага калектыву вы паспяхова выконваеце задачы па расследаванні злачынстваў, забеспячэнні прынцыпу непазбежнасці пакарання і перамогі справядлівасці, што дае магчымасць захоўваць мір, згоду і стабільнасць у нашым грамадстве.

Выказваем удзячнасць ветэранам органаў следства, чый жыццёвы шлях, вопыт і патрыятызм з'яўляецца прыкладам для маладых супрацоўнікаў.

Жадаем моцнага здароўя, міру, дабрабыту вам і вашым сем'ям, а таксама далейшых поспехаў у службе на карысць Радзімы.

З павагай,

Глыбоцкі раённы выканаўчы камітэт