Кіраўніцтва раёна павіншавала ветэранаў Вялікай Айчыннай вайны і жыхароў Глыбоччыны са святам

Дарагія ветэраны Вялікай Айчыннай вайны!

Паважаныя жыхары Глыбоччыны! 

Ад шчырага сэрца віншуем вас з Днём Незалежнасці Рэспублікі Беларусь і 79-й гадавінай вызвалення Беларусі ад нямецка-фашысцкіх захопнікаў!

Гэта галоўнае дзяржаўнае свята, у якім зліліся ў адзінае вялікія і святыя падзеі – Вызваленне, Перамога і Незалежнасць.

Мы ганарымся нашай незалежнай краінай і яе багатай спадчынай. Сёння ўсе мы ў адказе за будучыню нашай дзяржавы. Нас аб’ядноўваюць любоў да Радзімы, вернасць традыцыям і шчырае жаданне зрабіць сваю краіну яшчэ мацнейшай і прыгажэйшай. Мы ўпэўнены, што суверэнітэт і незалежнасць заўсёды будуць асновай дынамічнага і паспяховага развіцця Беларусі.

 Дарагія ветэраны і ўдзельнікі Вялікай Айчыннай вайны!

Дзякуем за тое, што вы змаглі выстаяць, вынесці на сваіх плячах увесь цяжар самай страшнай вайны, абаранілі краіну ў часы ваеннага ліхалецця і аднавілі яе ў пасляваенныя гады. Вы, нашы вызваліцелі, падарылі нам самае дарагое, што можа быць у чалавека, – жыццё і свабоду.

Ад усёй душы жадаем усім жыхарам Глыбоцкага раёна моцнага здароўя, шчасця, дабра, дастатку, міру, веры ў свае сілы, поспехаў у справах і пачынаннях дзеля росквіту нашай незалежнай Беларусі.

Няхай вашы сэрцы напаўняюцца гордасцю за нашу краіну, імкненнем да адзінства і згоды, а ваша плённая праца гарантуе нашчадкам шчаслівую будучыню.

З павагай,

Глыбоцкі раённы выканаўчы камітэт

Глыбоцкі раённы Савет дэпутатаў