Кіраўніцтва раёна павіншавала работнікаў і ветэранаў архіўнай службы Глыбоччыны са святам

Паважаныя работнікі і ветэраны архіўнай службы Глыбоччыны!

          Ад імя Глыбоцкага раённага выканаўчага камітэта, раённага Савета дэпутатаў прыміце віншаванні з прафесійным святам – Днём архівіста.

          Паўсядзённая праца сучаснага архівіста напоўнена разнастайнай дзейнасцю, пастаянна мадэрнізуецца, развіваецца і ўдасканальваецца.

          Вы захоўваеце дакументальны летапіс гісторыі асобна ўзятай арганізацыі, канкрэтнага прадпрыемства, установы і ў цэлым нашага беларускага народа, культурны здабытак і нацыянальную памяць, якая адыходзіць у глыбіню стагоддзяў. За кожным архіўным дакументам – тысячы пражытых жыццяў і ўспамінаў, галоўная задача – захаваць гістарычную спадчыну продкаў для будучых пакаленняў.

          У гэты святочны дзень выказваем шчырыя словы ўдзячнасці за вашу добрасумленную і адказную працу, годнае выкананне свайго прафесійнага абавязку па забеспячэнні захаванасці, камплектаванні і выкарыстанні дакументаў, адданасць абранай справе.

          Ад усёй душы жадаем вам поспехаў, творчых ініцыятыў і прафесійных дасягненняў, добрага настрою, моцнага здароўя, шчасця і дабрабыту!

Глыбоцкі раённы выканаўчы камітэт,

Глыбоцкі раённы Савет дэпутатаў