Кіраўніцтва раёна павіншавала работнікаўі ветэранаў культуры і мастацтва Глыбоччыны са святам  

Шаноўныя работнікі культуры і мастацтва Глыбоччыны!

          Ад імя Глыбоцкага раённага выканаўчага камітэта, раённага Савета дэпутатаў віншуем вас з прафесійным святам – Днём работнікаў культуры!

          Ваша праца накіравана на прымнажэнне культурных каштоўнасцей і народных традыцый, падтрымлівае развіццё асобы, насычае наша жыццё станоўчымі эмоцыямі.

          Выказваем глыбокую ўдзячнасць за вашу самаадданую працу, за тое, што вы дастойна прадстаўляеце Глыбоччыну на конкурсах рознага ўзроўню, за тое, што пра нашы калектывы ведаюць не толькі ў рэспубліцы, але і за яе межамі.

          Цёплыя словы ў гэты дзень выказваем людзям, якія ўнеслі неацэнны ўклад у станаўленне і развіццё культуры Глыбоцкага раёна і сёння не адмаўляюць у дапамозе і парадзе.

          Жадаем вам здароўя, аптымізму, поспехаў, бадзёрасці, добрага настрою і ўдачы. Няхай усе праекты будуць удалымі, дораць свята і натхняюць на добрыя справына карысць роднай Беларусі!

Глыбоцкі раённы выканаўчы камітэт,

Глыбоцкі раённы Савет дэпутатаў