Паважаныя воіны-інтэрнацыяналісты, жыхары Глыбоччыны!

15 лютага ў нашай краіне адзначаецца Дзень памяці воінаў-інтэрнацыяналістаў, якія выконвалі службовы абавязак за межамі Радзімы. 34 гады таму апошнія воінскія падраздзяленні абмежаванага кантынгенту Савецкай арміі пакінулі Афганістан.

За тысячы кіламетраў ад радзімы нашы воіны, праявіўшы гераічную стойкасць, мужнасць і самаадданасць, першымі кінулі выклік міжнароднаму тэрарызму, мужна змагаліся з ворагам і шчыра верылі, што ад іх залежыць мірнае шчаслівае жыццё братэрскага народа. Захапляемся вашай мужнасцю, доблесцю, адвагай і высакароднасцю!

Аддаючы даніну павагі ўсім, хто выстаяў і вярнуўся дадому, мы падзяляем боль страты з тымі, хто страціў блізкіх таварышаў, не дачакаўся сваіх родных і блізкіх. Няхай светлая памяць аб іх назаўсёды захаваецца ў нашых сэрцах!

Словы асаблівай удзячнасці адрасуем ветэранам вайны ў Афганістане. Дзякуем вам за актыўную грамадзянскую пазіцыю, актыўны ўдзел у грамадскім жыцці, патрыятычнае і духоўна-маральнае выхаванне падрастаючага пакалення.

Жадаем усім воінам-інтэрнацыяналістам моцнага здароўя, мірнага неба, аптымізму, дабрабыту і ўдачы. Няхай ваша адзінства і згуртаванасць натхняюць на дасягненне новых мэтаў, становяцца кропкай адліку далейшых здзяйсненняў і добрых спраў!

З павагай,

Глыбоцкі раённы выканаўчы камітэт

Глыбоцкі раённы Савет дэпутатаў