Кіраўніцтва раёна павіншавала работнікаў і ветэранаў нафтавай, газавай і паліўнай прамысловасці з прафесійным святам

Паважаныя работнікі і ветэраны нафтавай, газавай і паліўнай прамысловасці!

Ад імя Глыбоцкага раённага выканаўчага камітэта, раённага Савета дэпутатаў прыміце шчырыя віншаванні з прафесійным святам!

Нафтавая, газавая і паліўная прамысловасць – адна з найважнейшых галін сучаснай эканомікі. Вы ўносіце значны ўклад ва ўмацаванне прамысловага патэнцыялу Глыбоцкага раёна і Беларусі.

Вы ўпэўнена павышаеце эфектыўнасць вытворчасці і якасць выпускаемай прадукцыі, ажыццяўляеце маштабную рэканструкцыю і мадэрнізацыю.

Дзякуючы вашай нялёгкай працы, майстэрству, адказнасці забяспечваецца энергетычная незалежнасць краіны, у дамы прыходзяць святло і цяпло, прамысловасць і транспарт атрымліваюць неабходную энергетычную сыравіну.

Паважаныя ветэраны! Менавіта ваш прыклад, закладзеныя вамі традыцыі высокага прафесіяналізму і адказнасці натхняюць цяперашняе пакаленне працаўнікоў нафтавай, газавай і паліўнай прамысловасці на новыя дасягненні.

Дзякуем работнікам нафтагазавай і паліўнай прамысловасці за вашу штодзённую працу і ўменне вырашаць складаныя вытворчыя задачы.

Жадаем вам і вашым сем'ям шчасця, моцнага здароўя і дабрабыту!

З павагай,

Старшыня Глыбоцкага

раённага выканаўчага камітэта                        А.М.Шубскі

Старшыня Глыбоцкага

раённага Савета дэпутатаў                               В.М.Цяліца