Кіраўніцтва раёна павіншавала жыхароў Глыбоччыны з Днём ведаў

Паважаныя педагогі! Дарагія навучэнцы, бацькі! 

Ад імя Глыбоцкага раённага выканаўчага камітэта, раённага Савета дэпутатаў прыміце шчырыя віншаванні са святам – Днём ведаў!

1 верасня – выдатны дзень, напоўнены шчаслівымі ўспамінамі і радаснымі чаканнямі. Для настаўнікаў – гэта чарговая ступень ва ўдасканаленні свайго майстэрства; для выпускнікоў – этап выбару і вызначэння жыццёвага шляху; для першакласнікаў – першы званок і першы настаўнік, пачатак дзівоснага школьнага жыцця, поўнага новых ведаў і адкрыццяў.

Дарагія вучні, хай навучальны год адкрые перад вамі новы свет цікавых і карысных ведаў, прынясе новыя поспехі і дасягненні!

Бацькі! Для вас надыходзіць час новых хваляванняў і трывог. Будзьце памяркоўныя да сваіх дзяцей. Ніхто лепш за вас не дапаможа ім спасцігнуць навукі і знайсці сваё месца ў грамадстве.

Паважаныя настаўнікі! Дзякуючы вашаму педагагічнаму таленту, мудрасці і цярпенню можна быць упэўненымі – будучыня раёна за разумнымі, самадастатковымі, паспяховымі людзьмі. Хай дасягненні вучняў будуць вашай асабістай узнагародай! Няхай ваша праца прыносіць вам радасць і задавальненне.

Жадаем усім моцнага здароўя, невычэрпнай энергіі, цікавага і насычанага падзеямі жыцця, радасных і шчаслівых перажыванняў. Няхай новы навучальны год будзе для ўсіх удалым і плённым, прынясе поспех, радасць перамог і новых дасягненняў!

З павагай,

А.М.Шубскі,                                            В.М.Цяліца,

старшыня Глыбоцкага                           старшыня Глыбоцкага

раённага выканаўчага камітэта            раённага Савета дэпутатаў