Кіраўніцтва раёна віншуе працаўнікоў і ветэранаў устаноў культуры Глыбоччыны з прафесійным святам

Паважаныя працаўнікі і ветэраны ўстаноў культуры Глыбоччыны!

Ад імя Глыбоцкага раённага выканаўчага камітэта, раённага Савета дэпутатаў прыміце шчырыя віншаванні з прафесійным святам – Днём работнікаў культуры.

Дзякуючы вашай творчасці і паўсядзённай працы, у нашым раёне паспяхова ажыццяўляецца культурная палітыка, захоўваюцца і прымнажаюцца духоўныя здабыткі нашага грамадства.

Вашы дасягненні – вынік мэтанакіраванай і стараннай працы. Вы забяспечваеце пераемнасць духоўнага вопыту нашага народа, даступнасць унікальнай спадчыны продкаў.

Выказваем глыбокую ўдзячнасць усім старанным і таленавітым, нястомным рупліўцам духоўнага адраджэння: бібліятэкарам, музейным работнікам, спецыялістам клубнай справы, кіраўнікам прафесійных і аматарскіх калектываў, народным майстрам і ўмельцам, выкладчыкам навучальных устаноў культуры і мастацтва за самаадданую працу. Менавіта дзякуючы вашым намаганням, ведам, вопыту, таленту культура ў сваіх лепшых узорах і праявах служыць нашаму народу.

Жадаем здароўя, дабрабыту, шчасця і поспехаў, невычэрпнай энергіі, працоўнага натхнення ў вашай нялёгкай, такой патрэбнай працы на карысць роднаму краю!

З павагай,

Старшыня Глыбоцкага

раённага выканаўчага камітэта                А.М.Шубскі

Старшыня Глыбоцкага

раённага Савета дэпутатаў                      В.М.Цяліца