Кіраўніцтва раёна віншуе жыхароў Глыбоччыны з надыходзячым Новым годам

Паважаныя жыхары Глыбоччыны!

Ад імя Глыбоцкага раённага выканаўчага камітэта, раённага Савета дэпутатаў шчыра і сардэчна віншуем вас з надыходзячым Новым 2022 годам!

Новы год – сімвал добрых надзей і новых планаў, гэта час, з якім мы звязваем свае мары і надзеі. Гэта свята, якое цудоўным чынам злучае мінулае, сучаснасць і будучыню, выклікае яркія і пазітыўныя эмоцыі, дорыць светлыя і добрыя надзеі.

Адыходзячы год быў напружаны, але плённы для раёна, напоўнены значнымі і цікавымі падзеямі, унёс у жыццё глыбачан шмат яркіх момантаў, падарыў новыя дасягненні і поспехі. У рэгіёне паступальна развіваюцца ўсе сферы гаспадаркі, вядзецца добраўпарадкаванне, захоўваюцца станоўчыя тэндэнцыі ў адукацыі, ахове здароўя, ствараюцца ўмовы для развіцця здольнасцей і талентаў моладзі.

Падводзячы вынікі 2021 года, мы яскрава ўсведамляем, што нам, глыбачанам, ёсць чым ганарыцца, ёсць што любіць і зберагаць у нашым краі.

Ад усёй душы жадаем, каб надыходзячы 2022 год стаў для кожнага з нас годам выніковых спраў, натхнёнай карыснай і творчай працы. Няхай ён адкрыецца новымі магчымасцямі, ідэямі і надзеямі, будзе мірным і шчодрым, прынясе ў кожны дом радасць і дабрабыт.

Паважаныя землякі!

Няхай новы год стане годам добрых падзей і моцным падмуркам для новых здзяйсненняў.

Шчыра жадаем, каб навагодняе свята прынесла ў кожны дом шчасце, поспех і дабрабыт. Няхай добрыя справы і чыстыя намеры, з якімі мы сустракаем свята, дадуць сілы для новых спраў на карысць роднай Глыбоччыны.

Моцнага здароўя ўсім, узаемаразумення, міра і цудоўнага святочнага настрою.

З Новым годам!

З павагай,

старшыня Глыбоцкага раённага

выканаўчага камітэта                                                            А. М. Шубскі

старшыня Глыбоцкага раённага

Савета дэпутатаў                                                                    В. М. Цяліца