Кіраўніцтва раёна вітае жыхароў і гасцей Х юбілейнага Міжнароднога свята “Вішнёвы фестываль”

Дарагія сябры! 

Гасцінная, душэўная, прыгожая і таленавітая Глыбоччына вітае вас на Х юбілейным Міжнародным свяце “Вішнёвы фестываль”!

З 2013 года фестываль атрымаў прапіску ў г. Глыбокае, а сам горад пачаў называцца вішнёвай сталіцай. Вось ужо 10 год запар прываблівы, яскравы, са смакам лета, сонца і вішні, фестываль на некалькі дзён збірае сяброў з усёй Беларусі і з-за яе межаў, дае выдатную магчымасць узняцца над штодзеннымі клопатамі, адпачыць душой і сэрцам, атрымаць неверагодную асалоду ад мастацкай творчасці, далучыцца да прыгожага і ўзвышанага, і, канечне, пакаштаваць знакамітай Глыбоцкай вішняй.

Упэўнены, што наш яркі, спеўны, квяцісты фестываль падорыць усім вам, паважаныя сябры, незабыўныя і самыя прыемныя ўражанні, дасць магчымасць пазнаёміцца з творчымі здабыткамі розных нацыянальных супольнасцей і дазволіць адкрыць новыя таленты, падорыць шмат адкрыццяў і прыемных сустрэч з цікавымі людзьмі.

Жадаем усім удзельнікам”Вішнёвага фестывалю“ творчых поспехаў, натхнення, новых ідэй і задавальнення ад удзелу ў Міжнародным свяце. Спадзяёмся, што фестываль стане адметнай падзеяй у жыцці кожнага з вас. Здароўя, шчасця, незабыўных захапленняў і цудоўнага “вішнёвага” настрою ўсім гасцям вішнёвай сталіцы!

З павагай,

Аляксандр Шубскі,                                                    Вера Цяліца,

старшыня Глыбоцкага                                               Старшыня Глыбоцкага

раённага выканаўчага камітэта                                 раённага Савета дэпутатаў