Кіраўніцтва раёна віншуе работнікаў і ветэранаў сферы гандлю Глыбоцкага раёна з прафесійным святам

Паважаныя работнікі і ветэраны сферы гандлю Глыбоцкага раёна!

Ад імя Глыбоцкага раённага выканаўчага камітэта, раённага Савета дэпутатаў прыміце шчырыя віншаванні са святам – Днём работнікаў гандлю!

Сёння гандаль з'яўляецца найважнейшай галіной, якая развівае адносіны не толькі паміж людзьмі, але і раёнамі, гарадамі, рэгіёнамі і цэлымі дзяржавамі. Гэта адзін з самых важных сектараў эканомікі, без якога немагчыма ўявіць сучаснае жыццё. Мы рады, што ў Глыбоцкім раёне з кожным годам паляпшаюцца культура і якасць абслугоўвання пакупнікоў, пашыраецца асартымент прамысловых і харчовых тавараў, павялічваецца колькасць магазінаў і кафэ.

Праца работнікаў гандлю вельмі запатрабаваная, і ад яе эфектыўнасці і якасці залежыць камфортнасць жыцця людзей.

Шчыра дзякуем ветэранам галіны. Многія гады вы аддалі сваёй працы, а зараз з'яўляецеся вопытнымі настаўнікамі моладзі.

Жадаем вам, паважаныя работнікі гандлю, моцнага здароўя, шчасця, камерцыйнага поспеху, дзелавой ініцыятывы і слоў удзячнасці ад пакупнікоў.

З павагай,

А.М.Шубскі,                                            В.М.Цяліца,

старшыня Глыбоцкага                           старшыня Глыбоцкага

раённага выканаўчага камітэта            раённага Савета дэпутатаў