Беларуская ўніверсальная таварная біржа і пасольства Узбекістана ў Беларусі ў 2025 годзе плануюць наладзіць больш цеснае супрацоўніцтва ў біржавой сферы з мэтай уключэння як мага большай колькасці прадстаўнікоў узбекістанскага бізнесу ў гандаль на беларускай біржавой пляцоўцы. Аб гэтым дамовіліся Надзвычайны і Паўнамоцны Пасол Узбекістана ў Беларусі Рахматула Назараў і старшыня праўлення БУТБ Аляксандр Асмалоўскі ў час сустрэчы ў цэнтральным офісе біржы, паведамілі БЕЛТА ў прэс-службе БУТБ.

2025 год - знакавы для праваслаўнага свету: у календары 555 гадоў здабыцця цудатворнага Жыровіцкага абраза Божай Маці, 505 гадоў Жыровіцкаму мужчынскаму манастыру і святкаванне 900-годдзя з моманту заснавання Спаса-Еўфрасіннеўскага жаночага манастыра ў старажытным Полацку.

У Беларусі створаць рэспубліканскую сістэму абароту тавараў, работ і паслуг. Аб гэтым паведаміў журналістам першы намеснік прэм'ер-міністра Мікалай Снапкоў па выніках нарады ў кіраўніка дзяржавы па новай сістэме рэгулявання цэн, перадае карэспандэнт БЕЛТА.

Рэканструкцыя моста "Юбілейны" ідзе ў Віцебску. Яна ўключае ў сябе замену дарожнага пакрыцця, умацаванне апор і поручняў, а таксама ўстаноўку новых інжынерных сістэм. На час будаўнічых работ рух аўтатранспарту абмежаваны - даступнай застаецца адна паласа ў кожным напрамку.

Цэнтр культуры "Віцебск" перайшоў да новага этапу рэканструкцыі канцэртнай залы, які на гэты раз закрануў галоўную сцэну і ўсе прылеглыя да яе памяшканні. Мадэрнізацыя сістэмы кіравання галоўнай сцэны пачалася з дэмантажу старога механічнага абсталявання, на яго месца прыйдзе найноўшае лічбавае. Працэс кіравання сцэнічным афармленнем будзе камп'ютарызаваны. 

У Віцебскай вобласці праіндэксаваныя імянныя прыватызацыйныя чэкі "Жыллё". Гэта прадугледжана рашэннем Віцебскага аблвыканкама ад 10 лютага 2025 года №91, паведамляе БЕЛТА са спасылкай на Нацыянальны прававы інтэрнэт-партал.

Мінулы год для Аршанскага льнокамбіната стаў годам развіцця ўнутранага рынку, прадпрыемства амаль у два разы пашырыла рэспубліканскую фірменную сетку, якая сёння налічвае больш як 50 магазінаў. З рэбрэндынгам вытворцы вырабаў са знакамітага беларускага лёну азнаёміў намеснік генеральнага дырэктара па ідэалагічнай рабоце і сацыяльных пытаннях Сяргей Сідзін, паведамляе карэспандэнт БЕЛТА.